ເມືອງ​ປາກງື່ມ ​ເລັ່ງພັດທະນາ​ພື້ນຖານ​ໂຄງ​ລ່າງ​ແກ້​ໄຂ​ຄວາມທຸກ​ຍາກ

0
16

* ປີ 2017 ຜ່ານມານີ້, ທຸກຂະ ແໜງການພາຍໃນເມືອງປາກງື່ມ ໄດ້ເອົາໃຈໃສ່ພັດທະນາ ດ້ານພື້ນຖານໂຄງລ່າງ ໂດຍເລັ່ງໃສ່ກໍ່ສ້າງໂຮງຮຽນ, ສຸກສາລາ, ຂົວ ແລະ ບັນດາເສັ້ນທາງດິນແດງ ລະຫວ່າງ ບ້ານຕໍ່ບ້ານກໍ່ຍົກລະດັບປູຢາງສອງ ຊັ້ນ ທັງນີ້ກໍ່ ເພື່ອສະດວກ ໃຫ້ການແກ້ໄຂຄວາມ ທຸກຍາກຂອງປະຊາຊົນ ບັນດາເຜົ່າໃຫ້ຫລຸດ ເປັນກ້າວໆ. 

ທ່ານ ວົງເດືອນ ໄຊຍະແສງ ເຈົ້າເມືອງປາກງື່ມ ນະຄອນຫລວງ ວຽງຈັນກ່າວວ່າ: ປີ 2017 ຜ່ານມາທາງເມືອ ງໄດ້ຮັບງົບປະມານ ແຫ່ງຊາດກໍ່ຄືຂັ້ນເທິງ ທັງໝົດແມ່ນ 32 ໂຄງການເປັນມູນຄ່າ 4 ຕື້ກວ່າກີບ. ໃນນັ້ນ, ໂຄງການສືບຕໍ່ 6 ໂຄງການ, ໂຄງ ການສະເໜີໃໝ່ 13 ໂຄງການ, ຊຳລະໜີ້ 13 ໂຄງການ. ການສະເໜີຂໍອະນຸມັດ ໂຄງການດັ່ງກ່າວ ແມ່ນເລັ່ງໃສ່ແກ້ໄຂຄວາມ ທຸກຍາກທີ່ເປັນບູລິມະສິດ ເປັນຕົ້ນແມ່ນສຸມໃສ່ ກໍ່ສ້າງໂຮງຮຽນ, ສຸກສາລາ, ຂົວ ແລະ ເສັ້ນທາງລະຫວ່າງ ບ້ານຕໍ່ບ້ານ ເຊິ່ງມີ ບາງຈຸດກໍ່ໄດ້ຍົກ ລະດັບທາງດິນແດງ ເປັນທາງປູຢ່າງ 2 ຊັ້ນ. ພິເສດທາງເມືອງ ໄດ້ຮັບການຊ່ວຍເຫລືອລ້າ ຈາກ ບໍລິສັດ ລາວເວີນ ກຣຸບ ກໍ່ສ້າງຂົວຂ້າມນໍ້າງື່ມ ບ້ານນາບົງບ້ານທ່າກົກໄຮ ມາຮອດປັດຈຸບັນ ສໍາເລັດ 60% ເຊິ່ງໄດ້ສ້າງປະຫວັດສາດ ໜ້າ ໃໝ່ພາຍຫລັງການກໍ່ສ້າງ ຂົວສໍາເລັດຈະສ້າງ ເງື່ອນໄຂອັນສະດວກ ການໄປ ການມາຂອງປະຊາຊົນ. ການສູ້ຊົນດັ່ງກ່າວ ເພື່ອແນໃສ່ສູ້ຊົນ ບັນລຸເປົ້າໝາຍ ສະຫັດສະວັດ ການພັດທະນາ. ເຖິງຢ່າງໃດ ກໍ່ຕາມ ດ້ວຍຄວາມເອົາໃຈໃສ່ ໃນໄລຍະຜ່ານມາ ແລະ ມາຮອດປັດຈຸບັນ ສາມາດແກ້ໄຂ ຄວາມທຸກຍາກ ຂອງປະຊາຊົນໄດ້ໂດຍພື້ນຖານ, ແຕ່ລະບ້ານມີເສັ້ນທາງ ທຽວໄດ້ສອງລະດູ, ມີໄຟຟ້າຊົມໃຊ້ທຸກບ້ານ, ລູກຫລານໄດ້ເຂົ້າໂຮງຮຽນ ຢ່າງທົ່ວເຖິງ. 

ທ່ານເຈົ້າເມືອງຍັງກ່າວຕື່ມວ່າ: ນອກຈາກພັດທະນາ ດ້ານພື້ນຖານໂຄງລ່າງແລ້ວ, ຍັງສຸມໃສ່ຊຸກຍູ້ປະຊາຊົນ ຜະລິດສະບຽງອາຫານ ໂດຍອີງໃສ່ຈຸດພິເສດ ແລະ ທ່າແຮງຂອງ ເມືອງປາກງື່ມ ມີທີ່ດິນການຜະລິດ ຢ່າງກວ້າງຂວາງ ແລະ ເປັນເຂດ ທີ່ມີ ແມ່ນໍ້າງື່ມ, ແມ່ນໍ້າຂອງທີ່ໄຫລຜ່ານຕົວເມືອງ, ມີເສັ້ນທາງ 13 ໃຕ້ແລ່ນຜ່ານໃຈກາງເມືອງ ເຊິ່ງລ້ວນແຕ່ເປັນ ເງື່ອນໄຂອັນສະດວກ ໃຫ້ແກ່ການພັດທະນາ ກະສິກໍາ. ໃນນັ້ນ,  ປີຜ່ານມາສາມາດ ຜະລິດນາປີເນື້ອທີ່ 11.000 ກວ່າເຮັກຕາ ໄດ້ 100%, ສະເລ່ຍ ຜົນຜະລິດໄດ້ 3 ໂຕນຕໍ່ເຮັກຕາ. ສຳລັບນາແຊງ ມີເນື້ອທີ່ 2.000 ກວ່າເຮັກຕາປະ ຕິບັດໄດ້ 98, 51%.

ເມືອງປາກງື່ມມີ 53 ບ້ານ ພົນລະເມືອງກວ່າ 49. 000 ຄົນ, ຍິງ ກວ່າ 24. 700 ຄົນ (ນີ້ແມ່ນສະຖິຕິ ສໍາຫລວດໃນປີ 2015).  

KPL

source

LEAVE A REPLY

Please enter your comment!
Please enter your name here