ອັງກິດ ຈະອອກກົດໝາຍຫ້າມຄ້າຂາຍງາຊ້າງ

0
33

ຂປລ.ຕາມ​ຂ່າວ ​ຕ່າງປະ​ເທດ, ວັນ​ທີ 3 ​ເມສາ, ອັງກິດ ຈະ​ອອກ​ກົດໝາຍ ​ເຂັ້ມງວດ​ຫ້າມ​ຄ້າຂາຍ​ ງາ​ຊ້າງ ​ເພື່ອ​ພະຍາຍາມ ​ຊ່ວຍ​ອະນຸລັກ​ ປະຊາກອນ​ຊ້າງ​ ຂອງ​ໂລກ​ ທີ່​ພວມ​ຫລຸດ​ໜ້ອຍ​ລົງ ​ໂດ​ຍຜູ້​ຝ່າ​ຝືນຈະ​ຖືກ​ລົງ​ໂທດ​ ຈຳ​ຄຸກ​ສູງ​ສຸດ ​ບໍ່​ເກີນ 5 ປີ ​ແລະ ປັບ​ໃໝ ​ບໍ່​ຈຳກັດ. ການ​ຕັດສິນ​ໃຈ​ຂອງ​ ອັງກິດ ​ຍັງ​ຕ້ອງ​ໄດ້​ຮັບ ​ການ​ອະນຸມັດ​ ຈາກ​ລັດຖະສະພາ ​ເພື່ອ​ຜ່ານ​ເປັນ​ກົດໝາຍ​ ຫລັງ​ຈາກ ​ການ​ປຶກສາ​ຫາລື ​ກັບ​ປະຊາຊົນ​ ກວມ​ເອົາ88% ຂອງ​ຜູ້​ຕອບ​ຄຳ​ຖາມ 70.000 ຄົນ ​ສະໜັບສະໜູນ​ ຂໍ້​ຫ້າມ​ດັ່ງກ່າວ. ນອກ​ນີ້ ຍັງ​ມີການ​ຊື້​ຂາຍ​ສັດປ່າ​ ​ແບບ​ຜິດ​ກົດໝາຍ​ ສາກົນ ​ມີ​ມູນ​ຄ່າ​ສູງເຖິງ 17.000 ລ້ານ​ປອນ, ຂະນະ​ທີ່ ປະຊາກອນ​ຊ້າງທົ່ວໂລກ​ ຫລຸດ​ລົງ​ເກືອບ 1 ໃນ3 ​ໃນ​ໄລຍະ 10 ປີ. ປັດຈຸບັນ ຊ້າງ​ຖືກ​ຂ້າ​ ປະມານ 20.000 ​ໂຕຕໍ່​ປີ ຈາກ​ຄວາມ​ຕ້ອງການງາ​ຊ້າງ​ຈາກທົ່ວ​ໂລກ./.

KPL

source

LEAVE A REPLY

Please enter your comment!
Please enter your name here